Reinvention 新形象示人

這幾年，世界變化的速度快得讓人喘不過氣。AI 的爆發式顛覆、全球經濟的極度不確定性，讓身邊許多高管和企業家朋友都陷入了前所未有的焦慮與「過度思考 (Overthinking)」。大家都覺得，是不是要比以前更用力地「硬拼」，才不會被時代淘汰？

其實，答案正好相反。

我喺金融業做咗二十年。

而家我做緊嘅嘢，二十五歲嗰個我一定唔會信。

嗰陣我讀數學、經濟、電腦，之後入投行做結構性融資、做風險管理。我信數字，信模型，信努力，信凡事計得到。基本上，我係被訓練成一個只相信睇得見嘅嘢嘅人。

後來我去咗另一個極端。

我開始學中國術數，跟師父學咗二十年，又走去研究人嘅行為、思維、意識、無形嘅能量。呢十幾年我見到好多用邏輯及現代科學解釋唔到、但真係會發生嘅嘢。

兩邊我都經歷過。而我而家嘅結論係：兩邊都有其優點，兩邊都有盲點。

只信自己努力或計得到嘅人，遲早會撞到一件事：人生最重要嗰幾個決定，恰恰係計唔出嚟嘅。轉唔轉行、走唔走、同邊個合作、幾時放手，冇一條公式畀到你答案。

但只信無形嗰邊嘅人，又好容易停喺「講」或者好被動。講咗或冥想及觀想好多年，人生冇郁過。我哋始終住喺一個三維嘅物質世界，最後都要落手落腳去做。

所以呢一年，我行返去中間。

理性同直覺兩邊都要，最緊要係落到地。

點解而家講呢件事？因為大環境變咗。AI 令資訊唔再值錢，做嘢嘅成本大跌，人人都攞到同一份答案。到咗呢個位，最貴嘅唔再係知識，係如何接收能量及資訊，訓練察覺力及直覺力，然後根據自然秩序，順勢而為。除了要利用人工智能 (AI) 外，我們也要配合自然智能 (Natural Intelligence)，不費力地讓更高智慧去幫助我們去達標。

所以我自己都做緊一次調整。

以前好多人叫我 life coach，或者叫我玄學顧問。我而家更想講嘅，係自然法則，幸運研究及財富。

而我講嘅財富唔止係錢。參考 Sahil Bloom 嘅講法，財富有五種：時間、健康、人際、心智、金錢。得錢嗰種嘅人，通常唔算富有，只係得個錢字。年紀愈大，你會愈明白時間貴過錢。

實際上我同人傾嘅，來來去去就三條問題：

一、呢件事做唔做（你入面真正嘅方向） 二、喺邊度做（環境幾時會幫你，幾時會扯你後腿） 三、幾時做（用力用喺啱嘅時點，唔使硬拼）

簡單來說就是天時地利及人和。有兩句我想講清楚。

第一，任何分析畀到你嘅，係一條最大機率嘅路，唔係一個註定嘅人生。環境會郁到佢，政策會郁到佢，你自己嘅選擇更加會郁到佢。邊個同你講「命定咗」，你要小心。坊間好多講法係錯嘅，我唔怪一般人信，因為好多師傅自己都未搞清楚。

第二，我唔會同你講跟我做就一定得。呢個世界冇人做得到呢件事。

人可以透過痛苦去學，亦都可以透過有經驗嘅人畀你嘅一句提醒去學。

兩條路都到得，只係代價唔同，用嘅時間唔同。

想問下大家：上面三條問題，你而家最想有人幫你睇清楚嘅，係邊一條？