Reinvention

我自己都重塑過幾次

2014 年，我離開咗做咗十九年嘅投資銀行。

我做過打工仔、自僱人士同創業者，喺美國、加拿大、新加坡同香港生活過。所以「重塑」對我嚟講，唔係一個課程名，係我自己行過嘅路。

喺銀行嗰幾年，我學識計所有嘢。但係做得愈耐，我愈發覺，人生最大嗰幾個決定，恰恰係計唔出嚟。轉唔轉行、走唔走、同邊個合作、幾時放手，冇一條公式畀到你答案。

譬如我由打工到創業到自僱，感情關係隨時間變化不是完全由自己掌控。許多人會問獨資還是合夥好？移民移居去邊道好？

其實由 2000 年回港開始，我已經自修術數，2005 年開始正式跟中港台師傅學。嗰段時間，我見到好多用邏輯解釋唔到、但係真係會發生嘅嘢。

不過我亦都行過另一個極端：講咗好多年，人生冇點郁過。我哋始終住喺一個三維嘅物質世界，最後都要落手落腳去做。

即係話，理性同直覺唔係二選一。兩邊都行過，我先知道最好係行返中間：理性、直覺，同埋落到地。

所以我而家叫自己「財富重塑策略顧問」。財富唔止係錢，係五種：時間、健康、人際、心智、金錢。重塑，唔係加多幾個方法落去你已經好逼嘅時間表，而係有加有減。

未攞《天地人決策自測》嘅朋友，留言「天地人」，我傳畀你。如果你唔想公開留言，直接回覆呢封電郵，打「天地人」都得。

多謝。多謝。